W.Q, Cabdifataax Xasan Cirguje
Dhacdo
ku dayasho mudan
Gorgorku
waa shimbir kamida shimbiraha, waxaana lagu tiriyaa inuu yahay Shimbirka ugu
cimriga dheer marka loo eego noocyada shimbiraha, waayo waxaa la sheegaa inuu
noolaan kara mudo dhan ilaa todobaatan sano(70), laakiin suu ugaaro heerkaas
waxuu u maraa marxalado adag oo waayahooda leh, dhibaatooyin badan oo ubaahan
in lala tacaalo iyo xanuuno aad u daran oo in loo samro looga gudbi karo.
Gorgorku waxuu leeyahay sifooyin gaar ah oo uu kaga tilmaaman yahay shimbiraha kale, sida noola
kasta oo dunida guudkeeda saran Ilaahay SW usiiyay tilmaan u gaar ah oo uu caan
ku yahay gaarna u ah, waxa uu si fudud udiloodaa xawaanka dhirta daaqa, bahaladda hilibka quuta iyo Masaska halista ah ee fajaasta iyo suntan wax ku dila,
waxaana u fududeeya ugaarsigooda cidiyihiisa xooga badan misna waxay qabtaan aysan
suurtagal ahayn inay sinna uga baxsadaan iyo xirfadahiisa gaarkaa, afkiisan isna xooga badan sida
cajiibka usamaysan, baalashiisaan sida uu rabo u adeegsan karo, meeshuu
damcana durbadiiba sifudud ugusoo hoobanayo, waxaad mararka qaarkood arkaysaa isagoo
hawada dhexe iska damaashaadaya oo sida diyaaradaha miiga oo kale is rogrogaya,
mararka qaarkoodna xayawaan uusoo qabsaday ku ciyaaraya, oo hadba intuu hawada
sare geeyo soo daynaya misna intuusan dhulka gaarin dhexda ka laacaya, waxaa
intaa udheer fogaan aragga Ilaahay Swt awoodda usiiyay ee ili ku wareedhayda uu wax
ka arkayo.shimbirkaan Gorgorkaa shimbiraha kale wax muuqda ma dheera
aan ka ahayn ku dhiiranaansho iyo kalsooni oranaysaa “Haa waad qaban kartaa,
waad dili kartaa, waadna ku ku guulaysan kartaa”.
Hadaba
sida noola kastaba uleeyahay mudo uu awood gabo oo ku gaboobo isna Marka uu
gaaro da’da 40aad waxaa noloshiisa kusoo biira waji cusub oo gabaw ah, waxuu dareemaa
awood yari, waxaana dhamaan xubnihiisa soo gaara shaqo gab, Haduu lahaan jiray
cidiyo af badan ugaarsigana ku wanaagsan oo waxuu doono si fudud ugu soo qabsado
noloshiisuna ku tiirsanayd hadba waxay u keenaan, hada waa kuwaan gaamuray misna
af beelay oo hawshoodii gabay, waxay is dhahaan qaadba waan kuwaan tabar yari uga siibtay,
hawl inay soo korodhay markaan ma shakaa ku jira?
Sidoo
kale haduu lahaan jiray af dhuubanoo xoog badan oo uu wax ku cuni jiray,
ugaartuu cidiyuha kusoo qabtana sifudud ugu diloon jiray, sidoo kalena masaska halista ah xididka
suntaa sahal uga siibi jiray isna waa ku daayay, oo wakaas afbeelay
misna soo laabmay, hadda waxuu isagu diloodo iska daayee xataa kuwa loo dilo waa kan aan quudan Karin. Waa marxalad kale oo
noloshiisa saamayn ku yeelatay halisteedana leh, hadduu caqabaddii hore si un
loo maarayn lahaa bal tanna si dheh, markaan soo kuma qasbana inuu waayaha isku
dhiibo oo iska quusto mise wali raja jirtaa haduu mar cadawga ka carari karo? kawaran
baalashii iyagana xaaladooda, majiraa wax isbbadal ah oo ku yimid? Haa waliba
mid wayn baa ku yimid, muda Afartan sano ah oo ay soo shaqeeyeen kadib baalashiisu maahan maanta
sidii hore, fir fircoonidii iyo xaragadii lagu yaqaanayna dhamaatay, ciyaartii ay
hawada dhexe tobonaanka jeer isu gad gadin jireenna way ku daysay oo hada haduu
halmar ka gudbo buu buro sidaa, waxaa ku dhacay gabawgii layaqaanay, waxayna ku soo
kordhiyeen Gorgorkii culays mararka qaarkood ku dhaliya inuu boodiddii qudheeda tahli
waayo, mar walba oo uu duulo waxaa maankiisa ku soo dhaca talaw ma tii u
dambaysay baa?! Mana quusan rajaduna waa xuntahay! Haatan waxa kaliya oo u haray
waa bootintaa oo iyana dhib badan ka qabsado.
Hadaba maxaad samayn lahayd hadaad adiga tahay? Ma waqtiga iyo waayaha ayaad isku dhiibi lahayd? Mise waad iska harjadi lahayd intay taadii kaaga imaan oo geeri sug baad noqon lahayd? Mise labadaas midna maadan yeesheenee waad ka dhiidhiiyi lahayd oo waxaad halgan u gali lahayd sidaad aafadaan uga bixi lahayd? Jawaabtiina dhagaysigeeda uma baahni oo way iska cadahay, waayo waxaan la socdaa dalkiina burbursan ku dhawaad 30 ka sano iyo sidaad ka yeesheen Soomaalay! Aan usoo noqono Gorgorkii isagu maxuu sameeyay? Bal si fiican u dhuuxa waa intaas oo uu caqli idinku soo kor dhiyaa oo hurdada dheer ee aad ku jirtaan ka kacdaanee.
Hadaba maxaad samayn lahayd hadaad adiga tahay? Ma waqtiga iyo waayaha ayaad isku dhiibi lahayd? Mise waad iska harjadi lahayd intay taadii kaaga imaan oo geeri sug baad noqon lahayd? Mise labadaas midna maadan yeesheenee waad ka dhiidhiiyi lahayd oo waxaad halgan u gali lahayd sidaad aafadaan uga bixi lahayd? Jawaabtiina dhagaysigeeda uma baahni oo way iska cadahay, waayo waxaan la socdaa dalkiina burbursan ku dhawaad 30 ka sano iyo sidaad ka yeesheen Soomaalay! Aan usoo noqono Gorgorkii isagu maxuu sameeyay? Bal si fiican u dhuuxa waa intaas oo uu caqli idinku soo kor dhiyaa oo hurdada dheer ee aad ku jirtaan ka kacdaanee.
Bilawgii Halganka
Waxaa
markaan Gorgorka horyaala laba un midkood inuu sameeyo, inuu is dhiibo oo saa
ku dhinto iyo inuu galo halgan aad u adagoo xanuunkiisana leh oo aafadaan uga bixi karo, dibna ugu dhalan karo markale, waa halgan xanuunkiisa leh mirihiisuna yahay nolol cusub iyo firfircoonidii oo usoo noqota, halgankaas waxuu soconayaa mudo dhan 150 maalmood
oo xiriir ah.
Hadaba
Gorgorku waxuu doortaa tan dambe waxuuna gala halgankaas dhibtiisana wuxuu ugu dulqaataa rajada dambe, halgankiisu waxuu udhacaa sidaan, ugu horeen waxuu galaa socdaal dheer oo saacado qaata,
waxuuna koraa buur dheer fiiqa ugu koreeya oo ah meesha uu ugxanta dhigto, deedna meeshaas ayuu fariistaa halkaas ayuuna halgankiisu ka bilaabmaa, mudo 150 maalmood ah buu halkaas fadhiyaa, meelnana uma dhaqaaqo mudada intaa leeg cuntana hasheegin, wuu ka
soomaa naftiisana ilawsiiyaa illaa uu mar labaad dib ugu soo dhasho. mudadaas isma fadhiyo ee shaqaa barbar socota, marka koobaad waxuu ku bilaabaa suu
afkiisaan qaloocday xal ugu heli lahaa, deedna dhagax ayuu ku garaacaa illaa uu ka
jabiyo, kadib markuu jabbiyana muddo cayiman ayuu sugaa illaa uu mid cusub ugasoo baxo,
markuu taas ku guulaysto oo afka curdankaa usoo baxo. waxuu ku xijiyaa inuu afkaas cusub ku garaaco
cidiyihiisii gaamuray illaa iyagana uu jajabiyo, deedna sidoo kale mudo cayiman ayuu sugaa inta ay ugu soo baxayaan cidiyo cusub oo xoog badan, iyagana markuu ku guulaysto oo ay usoo dhashaan waxuu cidiyahaas iyo afkiisa curdankaa si wadajir ah rifaa baalashiisii gaboobay ee culayska ugu
badan iyagu ku hayay kuna soo jabay laabtiisa, kadib si lamida kuwii hore mudo cayiman ayuu misna sugaa illaa baalal cusub kana fudud kuwii hore ugasoo dhashaan. Shan
bilood kadib galayrku dib ayuu usoo dhashaa, waxaana la arkaa isagoo dib u usoo
bilaabay duulimaadyadiisii caanka ahaa ee lagu aqoon jiray, markaan waxuu dib ugu noolaan karaa Soddon sano oo hor leh.
Hadaba
bulshoy waxaad ognaataan inaan waxaan loo dhibtoon dheeftooda la helin, waxaan
loo halgamina mirahooda la guran, waxaa laga dhiidhiyina dhibtooda abid laga
bixin, waxaan sheekadaan usoo qaatay markaan arkay xaalada Dalkaygu ku
suganyahay iyo hurdada dheer ee dadkaygu ku jiraan. Kuwa dalka joogo (Qaran
Lajoogta) inta badan waa shaqeeyaan waxay ushaqeeyaanse ma yaqaanaan kaliya
waxay ogyihiin inay mushaar fiican qaataan, waxaad moodaa inay ugu dhantahay
marba haday mushaar haystaan, ismana waydiiyaan ninkaan mushaarka ku
siinaya illaa intee buu ku wadi karaa?. Kuwii dibadda jirana (Qurbo Joogta) ma
moodo inay dal leeyihiin oo dad iyo dal kasoo tageen aan cid kale sugayn, waxay
wali ku jiraan mala awaal oo waxay ku mashquulsanyihiin mudaba dhaldhalaalka
dhul asaagood dhistay oo ay qaxooti ku yihiin, iyagoo is moodsiiyay inuu yahay
dal ay leeyihiin. Iyana isma waydiin war dalkaani illaa muddo intee leeg buu ku
xamili karaa? Miyaysan wanaagsanayn intaana la i cayrin inaan ubadkayga dhaxal
usii abuuro iyo dhul ay ku noolaadaan.
Hadaba
waxaan Bulshada Soomaaliyeed ugu baaqayaa inay ka kacaan hurdada baas oo ay
indhaha kala qaadaan, Qurbo joogta waxaan leeyaha war ubadka iyo haweenka kasoo
taga oo kaalaya dalku halgan wada jir ah buu ubaahanyahee ololahana dibadda
kasoo bilaaba, Qaran Lajoogtana waxaan leeyahay ku baraaruga wax dalka ka socda
oo wax iska waydiiya waxay yihiin, cad aad eedi doonto lama cunee iska hubiya
ciddaa ushaqaynayso waxay yihiin iyo waxay dalka ka qabanayaan.
Allaw
Dalkoo
Nabada
Dadkoo isjecel iyo
Dawlad Caadil ah
W.Q. Cabdifataax
Xasan Cirguje (Qarandoon)